PAWARTA SEMBAKO LARANG, MASYARAKAT NGELUH

Sembako larang, masarakat ngeluh

            Indonesia, Negara kang gedhe lan masyarakate iya akeh mula sandhang pangan ing negara Indonesia kuwi bisa digunem kurang pangan. Padahal Indonesia kuwi kalebu Negara kang nduweni lemah kang subur, sing bisa ditanduri apa bae bakal urip mula Indonesia nduwe tanduran apa bae, nduwe penambangan emas lan sapanunggale, nanging Indonesia ora bisa ngolahe dadi kabeh hasil mau didol menyang luar nagari tapi sawise didol diolah ing kana, Indonesia melu nukuni hasil mau. Bab iki sing gawe rega larang, mula njupuk sing luar nagari. Iki mau sing ndadekake masarakat ngeluh. Ing ndonesia uga mayoritas agama islam nanging  Indonesia dudu Negara Islam, islam iku Rahmatan lil alamin yaiku agama kang ngei rahmat kanggo kabeh umate, ing islam iku ngenal wulan, salah sawijine yaiku wulan Ramadhan. Ing wulan Ramadhan iki wulan sing ditunggu-tunggu umat islam sebab ing wulan.

            Ramadhan kang akeh berkah lan kanggo nambah rejeki sabab wong kang ora biasa dodolan, dadi dodolan. Dodolan kuwi kayata es klapa, es campur lan takjil kanggo buka puasa. Ramdhan kuwi wulan kang akeh berkah banget. Wong dodolan kang biasane ora payu dadi payu. Ing wulan Ramadhan uga ana panganan kang ora biasa ana ing wulan-wulan biasa kayata kolak, surabi lan sapanunggale. Kabeh panganan mau kayata kolak lan surabi iku bahane saka gula jawa, klapa, tela lan sapanunggale. Bahan-bahan iku ndadak mundhak ing wulan Ramadhan merga ing wulan Ramadhan iku panganan kolak, surabi iku akeh sing digolekki kanggo buka puasa.

            Panganan kolak uga digolekki merga kolak iku nganggo bahan dhasar gula jawa, merga suwe nahan mangan iku paling apik mangan sing manis-manis, merga nek langsung mangan sing ngandung karbohidrat akeh kayata sega iku wetenge ora bakal narima, iku sing nyebabake maag mula kolak akeh digolekki ing wayah wulan Ramadhan.  Kolak iku bahan dasare saka gula jawa merga gula jawa larang ing wayah wulan Ramadhan. Mroduksi tetep nanging kebutuhan akeh mula iki sing ndadekake gula jawa larang ing wayah wulan Ramadhan.

            Ora mung gula jawa bae sing larang, nanging ya sirup lan korma uga melu larang merga ing wulan Ramadhan iku akeh wong kang tuku sirup kanggo buka, kanggo nggawe es utawa sing anget lan biasane ana sirup uga ana korma kanggo buka puasa. Korma uga larang ing wulan Ramadhan merga akeh masarakat sing nggolekki korma kuwi.  Gula jawa kuwi biyene Rp.12.000,00 saiki mundhak dadi Rp.14.000,00. Iki mundhak akeh banget merga gula jawa iku ing wayah Ramadhan dibutuhake banget.

            Beras iki panganan pokok kang kudu ana ing omah, ora ing wayah puasa tok beras dibutuhake, nanging iya ing wulan biasa dibutuhaken merga beras iku panganan pokok kang kudu lan wajib ana, selarang-larange beras iya mesthi wong nuku beras. Beras iyen Rp.8.000,00 saiki  iya mundhak Rp.10.000,00.

            Beras ketan lan klapa uga larang, merga ing wulan Ramadhan utawa arep lebaran kuwi akeh wong kang gawe lepet, biasane bahan dhasare kuwi beras ketan lan klapa kanggo nggawe lepet kuwi. Mula beras ketan lan klapa larang ing wayah arep lebaran lan wulan Ramadhan.

            Gula pasir uga melu larang merga ing wayah Ramadhan iki akeh wong kang medang, ing wektu buka puasa iku wedang kanggo pambuka utawi kanggo anget-anget weteng, lan ing weku saur, wedang kuwi kanggo kuat-kuat nalika esuke puasa. Gula pasir uga biasane kanggo ater-ater marang wongtua ing wayah Lebaran. Gula pasir biyen Rp.10.000,00 saiki mundhak dadi Rp.12.500,00 iki uga mundhak akeh merga wong ing wulan biasa bae medang terus apa maning ing wayah wulan Ramadhan iki.

            Panganan sing mateng ana ing warung uga larang merga ing wayah wulan puasa iku akeh wong sing sungkan masak, iku kesempatan kanggo wong dodol kanggo golek kauntungan, mula ing wayah Ramadhan iki akeh wong sing oleh kauntungan akeh saka wulan Ramadhn iki, wulan Ramadhan iki kebak berkah lan pahalane uga dilipatgandakan Gusti Allah kang maha Agung.

            Es buah ing wayah puasa iki iya larang, sing mesthine olih akeh iya dadi sacuil merga iya alesane wulan Ramadhan serba larang kabeh. Buah ing wayah Ramadhan lan arep Lebaran iya mundhak regane merga ing wayah Lebaran akeh wong kang nyuguhake buah. Ing pasaran uga buah wis mundhak merga stok ing gudhange ora ana utawa bakul buah iku sing ngundhakake rega dhewe. Iya Ramadhan kebak berkah nanging iya akeh sing nyalahgunakake, contohe buah kang mesthine ora mundhak dadi mundhak merga liya-liyane pada mundhak. Iki sing ndadekake ora apik lan gawe wulan Ramadhan kuwi ora berkah.

            Bawang abang utawa bumbu-bumbu liyane melu larang merga ing wayah Ramadhan iki akeh wong kang masak dadi stok ing gudhange kuwi kurang kanggo menuhi kebutuhane masarakat ing wulan Ramadhan iki. Bawang abang kang kudu ana ing masakan iki banget dibutuhake merga tiap masak kudu ana bawang abang, bawang abang biyen rega Rp.20.000,00 saiki mundhak dadi Rp.40.000,00. Bawang abang iki mundhak paling akeh merga bawang abang iki wajib ana ing masakan, nalika ora ana bawang abang masakan iku dadi ora enak lan bawang abang kuwi uga nandure angel gampang kena hama mula bawang abang iki larang. Ing wulan Ramadhan iku akeh wong masak mula bawang abang dibutuhake banget.

            Bawang putih uga ing wayah Ramadhan uga larang merga ing wulan Ramadhan iku bwang putih digunakake banget kaya dene bawang merah nanging bawang putih nek nganggo kuwi ora patia akeh dadi ora patia dibutuhake banget kaya Bawang putih. Bawang putih biyen regang Rp.16.000,00 saiki mundhak dadi Rp.20.000,00 bawang putih iki ora patia mundhak banget.

            Lombok iki kebutuhan kang kudu ana ing sajrone masakan, kaya dene bawang merah, nanging lombok iki dibutuhake kanggo wong sing seneng pedes, nanging rata-rata kabeh masakan dikei lombok. Lombok biyen regane Rp.10.000,00 saiki mundhak Rp.15.000,00 iki mundhak banget merga lombok iku kebutuhan kang kudu ana sajrone masakan.

            Sayur-sayuran iki ora patia mundhak merga sayur-sayuran stoke esih akeh lan uga ora gampang ntek stoke merga akeh wong kang nandur sayur-sayuran ing karangane dhewe. Sauyr-sayuran uga ora larang-larang banget ora kaya bawang putih lan bawang abang sing regane larang banget.

            Ayam uga mundhak merga ayam kuwi panganan sing vitamine akeh, merga ing wulan Ramadhan kuwi akeh wong kang nuku ayam, mula regane ayam mundhak akeh, ora kaya sedurunge wulan Ramadhan.

            Sembako iki luwih-luwih kang mundhak paling akeh merga iki sing paling dibutuhake masarakat umum, minyak goreng iki isih ajeng nanging mengko arep lebaran iya mesthi mundhak, sembako liya-liyane wis pada mundhak kabeh, iki sing gawe masarakat ngeluh, masarakat njerit merga kanggo masarakat sembako kuwi paling penting, kudu ana ing sajrone umah kudu ana kanggo masak sedina-dinane. Sembako kuwi mundhak merga wis cedhak karo lebran, merga ing wulan puasa wae wis mundhak apa maning ing lebaran mengko mesthi luwih mundhak maneh. Sembako kayata endok iku uga mundhak banget merga ing wulan puasa iki mesthi akeh wong kang buka puasa utawa pas saur akeh sing nganggo endok kuwi.

            Ing keadaan iki sing nggawe masarakat ngeluh masarakat njerit, masarakat nangis merga kerja utawa pendapatan iku isih tetep nanging pengeluaran akeh, sembako lan liya-liyane serba larang kabeh. Beras wae sing dadi panganan pokok wae mundhak apa maneh liya-liyane, mesthine iya mundhak. Masarakat pada ngeluh, masarakat kepengen sembako kuwi mudun kaya biasane aja malah kaya iki, ing wulan puasa wae wis mundhak apa maning mengko yen wis cedhak karo lebaran mesthi mundhak. Masarakat berharap marang pamarentah, sembako mudun kaya biasane wong pendapatan wae isih ajeg nanging kok malah sembako lan bahan liya-liyane padha mundhak. Masarakat kepengen sembako mudun nanging tetep tentrem ora ana masalah apa-apa nalika sembako mundhak. Kudune pamarentah nduweni kebijakan marang wong kang dodolan.

            Salah sawijining babagan kang nggawe sembako larang kuwi yaiku bahan bakar utawa bensin, utawa solar iki babagan kang nggawe sembako larang. Kendaraan kang kanggo nggawani sembako mau sing ndadekake sembako utawa sayur-sayuran larang merga masarakat kepengen pamarentah bisa ngolah minyak bumi dhewe dadi ora perlu impor saka luar nagari. Menawi impor saka luar nagari lan diolah ing luar nagari mengko menyang Indonesia larang. Mula kepengene masarakat diolah dhewe ing Indonesia ben minyak bumi murah lan ora ana eek maring ekonomi ing Indonesia. Dadi ing Indonesia bisa luwih tentrem lan bakal ayem yen ekonomi ing Indonesia stabil.