PARIKAN LAN WANGSALAN

PARIKAN DAN WANGSALAN

1. Parikan

          Parikan yaiku unen-unen kang mawa paugeran telung warna. Paugeran-paugeran kasebut yaiku:

1. Kedadean saka rong ukara kang dhapukane nganggo purwakathi guru swara.

Tuladha: Jemek-jemek gula jawa

Aja ngenyek Pada kanca

2. Saben saukara kedadean saka rong gatra.

Tuladha: Wedang bubuk tanpa gula

Ja gampang ngantuk gelis tuwa

3. Ukara kapisan arupa gatra purwaka, dene ukara kapindho arupa gatra tebusan (isi/inti).

Tuladha: Kembang kencur, tinandur tepining sumur

Sapa sing jujur, bakal luhur lan makmur

2. Wangsalan
       Wangsalan  yaiku unen-unen saemper cangkriman (teka-teki) kang mratelakake wangsulane lan wangsulan kasebut dikatokake awujud samar-samar.

Jinis-jinise wangsalan antawise:

a. Wangsalan Lamba

     Wangsalan lamba yaiku wangsalan kang isi batangane mung siji.

     Tuladha:

     Kowe aja jenang gula, aja lali

     (Jenang gula iku glali, dadi batangane lali)

b. Wangsalan Rangkep

     Wangsalan rangkep yaiku wangsalan sing isi batangane luwih saka siji.

    

Tuladha:

Kawi gajah, kramaning watu ing jarwa

Mesthi tetp, angugemi pancasila

(kawi gajah = esthi, dadi: mesthi)

(kramaning watu = sela, dadi: Pancasila)

c. Wangsalan Memet

     Wangsalan memet yaiku wangsalan sing cara nggoleki tegesa  tetembungan kanthi ambal pindho.

     Tuladha:

     Uler-kambang, yen trima alon-alon

     (uler-kambang tegese lintah. Wanda tah salebeting tembung tah dianggep cekakan tembung satitahe kang tegese alon-alon)

d. Wangsalan Padinan

     Wangsalan padinan yaiku wangsalan kang lumrahe ora mratelakake batangan sebab wong-wong wis Pada ngerti batangane.

     Tuladha:

     Roning mlinjo, yen wis sayah kena ngaso

     (Roning mlinjo = so, dadi batangane ngaso)