Geguritan

WIS ADOH

Dening : Subindriyo

Wis adoh tlapake

Awangun sandi

Ukara

Kridha basa

Apa banjur,

Mung pantes dipendhem jero

Ukarane para nujum

Sing ditulis dadi rajah

Semlempit ing longan

Dlika aclum

Wis adoh, kalane

Srengenge nguber imbang pracima

Sing ungub-ungub sikilejaladri

Nggoleki critane Bima suci

Ing pewayangan, dhestun

Ana ukara,

Tinata tharik urut kacang

Ana lengkehe gunung bebanjengan

Banjur lelagon sesendhonan

Rame gumerah ing plataran jembar

Nalika rembulan coblong

Jagad urip kari sagodhong ganyong