WARA-WARA

WULANGAN 1 SMA KELAS X

1. Wara-Wara

          Wara-wara yaiku salah sawijining sarana kanggo aweh sawijining pawarta marang wong liya sing mbutuhake informasi kang sifate wigati lan wujude miturut kabutuhan bisa lisan uga tulisan. Pariwara uga sinebut wara-wara, ngabari, menehi weruh utawa pengumuman. Wara-wara bisa dimangerteni nganggo maca utawa ngrungokake. Perangan-perangan kang kudu ana ing sajroning wara-wara antawise yaiku:

a   Sapa sing nulis wara-wara

b.    Apa isine wara-wara

c.    Katujokake marang sapa wara-wara iku

d.    Kapan wara-wara iku digawe

e.    kapan kagiatan di tindhakake

f.    Ana ing ngendi mapan.

2. Manut saka sipate, wara-wara kaperang dadi loro, yaiku:

 Wara-wara kang sipate resmi, yaiku wara-wara kang digawe kanthi resmi dening instansi, organisasi, utawa perkumpulan.

b.    Wara-wara kang sipate ora resmi, yaiku wara-wara kang digawe sawijining uwong, tuladhane wara-wara bab kelangan lan wara-wara ulang tahun.

3. Wara-wara kang sipate resmi nduweni ciri-ciri kang khusus, yaiku:

a.    Migunakake tembung-tembung kang baku.

b.    Saben ukara ana ing wara-wara migunakake makna utawa teges kang lugas apa anane.

c.    Ukara sing digunakake kudu jelas/cetha lan efektif.

d.    Migunakake kop surat utawa kepala surat kanggo identitas sing gawe

e.    Migunakake tembung “wara-wara” kanthi eksplisit.

f.    Nganggo nomer wara-wara ana ing sak ngisore tembung utawa tulisan “wara-wara”.

g.    Isi wara-wara ana telu, yaiku pambuka, isi, lan panutup.

h.    Menehi tanggal lan panggonan ana ngendi wara-wara digawe.

i.  Menehi jeneng (asma terang) lan tanda tangan (tapak asta) penanggung jawabe wara-wara (sing gawe wara-wara).